അക്ഷരമാലയും ലിപി പരിഷ്കരണവും

 10- 02- 22 മാതൃഭൂമിയിൽ നാലാം പേജ് വാർത്ത. പ്രൊഫസർ എം. എ. റഹ്മാൻ ഒപ്പിട്ട് അയച്ച കത്തിൻ്റെ കോപ്പിയുണ്ട്.  മാനക മലയാളത്തിൻ്റെ ആധിപത്യമാണ് മലയാളത്തെ കൊല്ലുന്നത്. ഭാഷാ ഭേദങ്ങളെ ചവിട്ടി പുറത്താക്കുമ്പോൾ ഭാഷ എങ്ങനെ വളരും എന്ന് അദ്ദേഹം ചോദിക്കുന്നു.  

ഭാഷാ ഭേദങ്ങളെ ചവിട്ടി പുറത്താക്കിയതിൽ മുഖ്യ പങ്ക് വഹിച്ചത് മലയാള പത്രങ്ങളാണ്.  ഞങ്ങൾ വലുത്, ഞങ്ങൾ വലുത് എന്ന് കൂടെക്കൂടെ വിളിച്ചു പറയുന്ന മാതൃഭൂമിക്കും സഹജീവിക്കും അതിൽ വലിയ ഷെയർ.  ഇതിനു ചരിത്ര കാരണങ്ങൾ ഉണ്ട്.  മാനാക മലയാളം ആകുമ്പോൾ അച്ചടി എളുപ്പം.  ഭാഷാ ഭേദം ആകുമ്പോൾ ഓരോന്നിനും വേറെ വേറെ അച്ച് നിരത്തണം.  ഭാഷാ ഭേദം മോശമാണെന്ന് ഒരു ധാരണ പൊതു ബോധത്തിൽ വന്നു കൂടി.  സിനിമയും സാഹിത്യവും ഒക്കെ ആ പൊതു ബോധത്തിന് ആക്കം കൂട്ടി. ചെറുശ്ശേരിയുടെ പച്ച മലയാളത്തിന് വീട്ടിലും സ്ഥനമില്ലാതായി.

കത്തിനു താഴെ കൊടുത്ത ആവശ്യങ്ങൾ ( ഇത് പത്രത്തിൻ്റെ സ്വന്തം വക): മാതൃഭാഷ ബിൽ നിയമമാക്കണം.  സ്കൂളിൽ മലയാളം നിർബന്ധിത പാഠ്യ വിഷയമാക്കണം.  പാഠ പുസ്തകത്തിൽ അക്ഷരമാല തിരിച്ചെത്തണം. മാതൃഭാഷാ വകുപ്പ് രൂപവത്കരിക്കണം. ഇതൊക്കെയാണ് മുദ്രാ വാക്യങ്ങൾ.  

ആദ്യത്തെ മുദ്രാ വാക്യം മാതൃഭാഷ ബിൽ നിയമമാക്കണം.  

2015- ൽ നിയമ സഭ പാസാക്കിയ ബിൽ ഇപ്പോൾ എവിടെ ഉണ്ടെന്ന് കണ്ടു പിടിച്ച് തിരികെ കൊണ്ടു വന്ന് ഗവർണറുടെ ഓഫീസിൽ എത്തിക്കുക.  മാതൃഭൂമിക്ക് ഇത് എളുപ്പത്തിൽ ചെയ്യാ വുന്നതേയുള്ളൂ.

സ്കൂളിൽ മലയാളം നിർബന്ധിത പാഠ്യ വിഷയം ആക്കണം

അത് ഇപ്പോൾ തന്നെ അങ്ങനെയാണല്ലോ.  അങ്ങനെ അല്ലാത്ത സ്കൂൾ വല്ലതും ഉണ്ടെങ്കിൽ അത് പത്രത്തിൽ കൊടുക്കുക.  നാട്ടുകാർക്കും അറിയാമല്ലോ.  ഇനി ഇംഗ്ലീഷ് മീഡിയം സ്കൂൾ നിർത്തലാക്കണം എന്നാണ് ഉദ്ദേശിക്കുന്നതെങ്കിൽ അങ്ങനെ ഒരു പ്രചരണം തുടങ്ങുക.  പൊതു ജനങ്ങൾക്ക് മാതൃക എന്ന നിലയിൽ മാതൃഭൂമിയുടെ മുൻ നിരനായകരും മറ്റു സാംസ്കാരിക നായകന്മാരും അവരുടെ മക്കളെ മലയാളം മീഡിയം സർക്കാർ സ്കൂളിൽ ചേർക്കുക.

പാഠ പുസ്തകത്തിൽ അക്ഷരമാല തിരിച്ചെത്തണം

ഇത് നേരത്തെ തീരുമാനം ആയതാണല്ലോ. മാതൃഭൂമിക്കും അക്ഷരമാല ഇടക്കൊക്കെ പ്രസിദ്ധീകരിക്കാം.  അത്രയും സ്പേസിൽ വേറെ സ്റ്റോറി അന്വേഷിക്കണ്ടല്ലോ.

മാതൃഭാഷാ വകുപ്പ് രൂപവത്കരിക്കണം

അതിന് ബില്ലിൽ വ്യവസ്ഥയുണ്ട്.  ഉദ്യോഗസ്ഥ ഭരണ പരിഷ്കാര ( ഔദ്യോഗിക ഭാഷാ) വകുപ്പിനെ മലയാള ഭാഷ വികസന വകുപ്പെന്ന് പുനർ നാമകരണം ചെയ്യാൻ ബില്ലിൽ വ്യവസഥയുണ്ട്.

വകുപ്പ് ഇല്ലെങ്കിലും മലയാളം വളരുകയാണ്.  പുറത്ത് വരുന്ന പ്രസിദ്ധീകരണങ്ങൾ,  പുസ്തകങ്ങൾ, സിനിമ എന്നിവയുടെ എണ്ണം നോക്കിയാൽ മനസ്സിലാക്കാവുന്നതെയുള്ളു.

(ദൈവമേ! ഒരു ദിവസത്തെ പത്രം ഇറക്കാൻ എന്തൊക്കെ സ്റ്റോറി ഉണ്ടാക്കണം.  സ്റ്റോറി കിട്ടാതെ വരുമ്പോൾ വെറുതെ ഫില്ലു ചെയ്യുന്നതാണേ. പത്രക്കാരുടെ ധർമ്മ സങ്കടം ആരറിയുന്നു?)

മലയാളത്തിന്റെ പ്രിയ കഥാകാരനായ എംടിയുമായി മാതൃഭൂമി തന്നെ നടത്തിയ ഒരു ഇൻറർവ്യൂ.  മലയാളം പുസ്തകങ്ങൾ വായിക്കാറില്ലെന്ന് കേട്ടിട്ടുണ്ടെന്ന് ലേഖകൻ ചോദിക്കുന്നു. എംടി അത് ശരിവെക്കുന്നു.  എന്തുകൊണ്ട്?




 ്

അഭിപ്രായങ്ങള്‍

ഒരു അഭിപ്രായം പോസ്റ്റ് ചെയ്യൂ

ഈ ബ്ലോഗിൽ നിന്നുള്ള ജനപ്രിയ പോസ്റ്റുകള്‍‌

ഉണ്ണിയച്ചീ ചരിതം, ഉണ്ണിയാടീ ചരിതം

 പദ്യവും ഗദ്യവും ചേർന്ന മിശ്ര സാഹിത്യമാണ് ചമ്പു. പദ്യ ഗദ്യങ്ങൾക്ക് തുല്യ പ്രാധാന്യം ചമ്പുവിൽ.  പഞ്ചതന്ത്രം, ജാതകകഥ, കാദംബരി തുടങ്ങിയവ പദ്യ ഗദ്യങ്ങൾ കലർന്നതാണ്.  പക്ഷെ, അവയിലെല്ലാം ഗദ്യത്തിനാണ് പ്രാമുഖ്യം.  പ്രാചീന നാടകങ്ങൾ പദ്യ ഗദ്യ മിശ്രിത മാണെങ്കിലും അത് മറ്റൊരു സാഹിത്യ രൂപമാണ്.  ഇതിലെ ഗദ്യം ഇന്ന് നമ്മൾ prose എന്ന് വിളിക്കുന്ന വിഭാഗത്തിൽ വരില്ല.  ഇതിൽ ഏറ്റവും പഴയത് ഉണ്ണിയച്ചീ ചരിതം ആണെന്ന് അനുമാനിക്കാം.  കൃത്യമായ കാല ഗണന ഇതിൻ്റെ രചന സംബന്ധിച്ച് ഇല്ല.  ലീലാ തിലകം ഉണ്ടവുന്നതിനു മുമ്പേ ഉണ്ടായി എന്ന് ലീലാതിലകത്തിൽ ഇതിനെ പരാമർശിക്കുന്നതുകൊണ്ട് അനുമാനിക്കുന്നു.  ഉണ്ണിയച്ചി ചരിതം ആദ്യം ഉണ്ടായി എന്നു കരുതുന്നു.  ഉണ്ണിയാടീ ചരിതത്തിൻ്റെ ആദ്യ ഓല കാണുന്നില്ല.  അത് നഷ്ടപ്പെട്ടതാകാം എന്ന് വിദഗ്ധൻ.  പക്ഷെ, അങ്ങനെ ആവണമെന്നില്ല.  അത് എഴുതിയിട്ടുണ്ടാവില്ല.  എഴുതേണ്ട കാര്യമില്ല.  ഒന്നാമത്തെ ഓല ശിവസ്തുതി ആയിരിക്കും.  ഉണ്ണിയച്ചീ ചരിതം ചെയ്ത കൂത്ത് കലാകാരന്മാർക്ക് അത് ഹൃദിസ്ഥമായിരിക്കും.  അങ്ങനെ വേണ്ടെന്ന് ചിന്തിക്കാൻ വേറൊ...
കൂടുതൽ‍ വായിക്കൂ

കേരളത്തനിമ: ഡോ. ആർ.ഗോപിനാഥൻ

 2010 ജൂലായ് മാസത്തിൽ പ്രസിദ്ധീകരിച്ചു. തിരുവനന്തപുരത്തെ ഹെറിറ്റേജ് സ്റ്റഡീസ്, പ്രസാധകൻ. അക്കാദമിക് ചരിത്രകാരൻ്റെ പകർത്തിയെഴുത്ത് വായിച്ച്,  ചരിത്ര പുസ്തകങ്ങൾ കാണുമ്പോൾ വഴി മാറി നടന്ന കാലത്ത് പി. കെ. ബാലകൃഷ്ണൻ്റെ ജാതി വ്യവസ്ഥയും കേരള സമൂഹവും വേറിട്ട അനുഭവം ആയിരുന്നു.  ഇതും അതുപോലെ ശ്രദ്ധയെ പിടിച്ചു നിർത്തുന്ന അനുഭവം ആയി.  ചരിത്രകാരൻ്റെ ജാതിബോധം ചരിത്രം  അക്കാദമിക് തലത്തിൽ പഠിക്കാത്തവനോട് അസ്പൃശ്യത പുലർത്താൻ പ്രേരിപ്പിക്കുന്നു.  അതുകൊണ്ട് അക്കാദമിക് ചരിത്രകാരൻ പി. കെ. ബാലകൃഷ്ണനെ വെറും ഉടായിപ്പ് ആയി കണ്ടു.  പി.കെ ഉയർത്തിയ ചോദ്യങ്ങളെ അവഗണിച്ചു.   ഗവേഷണത്തിൻ്റെ ഭാഗമായി കൂട്ടായ പഠനത്തിൻ്റെ ഫലമായുണ്ടായതാണ് ഗ്രന്ഥം.  എ. ഡി ഒന്നാം നൂറ്റാണ്ടു മുതൽ ഇരുപതാം നൂറ്റാണ്ടു വരെയാണ് പഠനത്തിനു വിധേയമാക്കിയത്.  പ്രാചീന ഗോത്ര ജനതയുടെ ചരിത്രവും സംസ്കാരവും പരിശോധിക്കുന്നു.  ശ്രമണ മതങ്ങളുടെ സംഭാവനകൾ പരിശോധിക്കുന്നു.  മലയാള ഭാഷയുടെ ഉത്ഭവം പത്താം നൂറ്റാണ്ടിൽ ആണെന്ന നിഗമനം തെറ്റാണ് എന്ന് കണ്ടെത്തുന്നു.  കേരളം എന്ന പേരിന് ചരിത്രവുമായി ബന്ധമില്ല ...
കൂടുതൽ‍ വായിക്കൂ

കേരള ചരിത്രത്തിലെ അവഗണിക്കപ്പെട്ട ഏടുകൾ - ടി. എച്ച്. പി. ചെന്താരശ്ശേരി

09/02/24 - ൽ അപ്ഡേറ്റ്   ബുക്ക് റിവ്യൂ അല്ല. വിമർശനവുമല്ല. വായന ഉണർത്തിയ നുറുങ്ങു ചിന്തകളാണ്. ആദിവാസി സമൂഹത്തെ ആദിമ ജനത എന്ന് വിളിക്കേണ്ടിയിരിക്കുന്നു. എങ്ങനെ വിളിച്ചാലും, വിശ്വാസങ്ങളും ആചാരങ്ങളും മുറുകെ പിടിച്ച് മുന്നോട്ട് പോകാൻ ശ്രമിച്ചപ്പോൾ  നിന്നയിടത്ത് നിലകൊണ്ടു പോയവരാണ് ആദിവാസി സമൂഹം. ഇനിയും അങ്ങനെ തുടരണമെന്ന് വാദിക്കുന്നവർ അവരുടെ ഇടയിലും പുറത്തും ഉണ്ട്.   ലെമൂറിയ എന്ന കടലിൽ താണുപോയ ഭുഖണ്ടം.  Philip Sclater എന്ന ജന്തുശാസ്ത്രജ്ഞൻ 1864 - ൽ ആവിഷ്കരിച്ച സിദ്ധാന്തം.  ഇരുപതാം നൂറ്റാണ്ടിൽ ഉണ്ടായ plate tectonics and continental drift theory ഭൂഖണ്ഡങ്ങൾ ഉണ്ടാകുന്നത് കൃതമായി വിവരിക്കുന്നതുകൊണ്ട്  Sclaterൻറെ ആശയം ശാസ്ത്ര ലോകം തള്ളിക്കളഞ്ഞു. കേരളം - ഏങ്ങനെയും വ്യാഖ്യാ നിക്കാം. മിക്കതും കടലിൽ ചേരുന്നു. ചേരളം= ചേർ+ അളം (കടൽ) കടലിനോട് ചേർന്ന സ്ഥലം. ചേർപ്പ് - തൃശ്ശൂർ ജില്ലയിലെ പട്ടണം. ചെർള എന്ന സ്ഥലം കാസർകോട് ജില്ലയിൽ. ചേറുവന്ന ഊരു = ചെറുവണ്ണൂർ. കോഴിക്കോട് ജില്ലയിൽ രണ്ട് ഇടങ്ങൾ. മറ്റൊന്ന് ആംഗലത്തിലൂടെ കയറി ഇറങ്ങിയപ്പോൾ ഷൊർണൂർ ആയി - പാലക്കാട് ജില്ലയിൽ. ഇവിടെ മറ്റ...
കൂടുതൽ‍ വായിക്കൂ